„Það er ekki mikið að sjá. Við sjáum ekki eldgos en við erum enn að skoða málið. Við getum ekki fullyrt neitt á þessari stundu,“ segir Magnús Tumi Guðmundsson, prófessor í jarðeðlisfræði, í samtali við mbl.is rétt í þessu.

Magnús Tumi flýgur nú yfir Dyngjujökul í vél Landhelgisgæslunnar, TF-SIF, ásamt öðrum vísindamönnum. Engar vísbendingar eru enn um bráðnun frá jöklinum eð hlaup vegna goss. Að sögn Magnúsar Tuma er enn verið að kanna svæðið og eru vísindamennirnir í stöðugu samband við Almannavarnir. Ekki er enn hægt að útiloka bráðnun frá jöklinum eða hlaup. 

Vís­inda­menn Veður­stofu Íslands telja að lítið eld­gos sé hafið und­ir sporði Dyngju­jök­uls.Talið er að um lít­inn at­b­urð sé að ræða enn sem komið er og vegna þrýst­ings frá jökl­in­um er óljóst hvort gosið muni ein­göngu verða und­ir jökli eða koma upp úr hon­um.

mbl.is fylgist grannt með þróun mála.

Þróun skjálftavirkni í norðanverðum Vatnajökli/Bárðarbungu. mbl.is/Elín Esther

Tengdar fréttir

Bárðarbunga

Gæti verið byrjunin á margra ára ferli

• Stærsti skjálftinn í Bárðarbungu í níu ár
• Kröftugur jarðskjálfti í Bárðarbungu
• Jarðskjálfti í Bárðarbungu
• Sá stærsti síðan í október

» Fleiri tengdar fréttir

• Blogga um frétt