Tæpur helmingur íbúa ríkja Evrópusambandsins er andvígur frekari stækkun þess í fyrirsjáanlegri framtíð samkvæmt niðurstöðum nýrrar skoðanakönnunar fyrir framkvæmdastjórn sambandsins eða 49%. 37% eru hins vegar hlynnt frekari stækkun ESB.

Þessar niðurstöður eru í samræmi við afstöðu verðandi forseta framkvæmdastjóra ESB, Jean-Claude Juncker, sem sagði fyrr í sumar að stefna framkvæmdastjórnar sambandsins á næsta kjörtímabili hennar, sem lýkur árið 2019, væri að ekki kæmi til frekari stækkunar þess.

Skiptar skoðanir eru á meðal íbúa ríkja ESB samkvæmt skoðanakönnuninni sem nefnist Eurobarometer. Þannig eru 70% Rúmena hlynnt áframhaldandi stækkun sambandsins og 64% Króata en þeir síðarnefndu voru síðasta ríkið sem gekk þar inn. Hins vegar eru 71% Þjóðverja andvíg frekari stækkun á komandi árum, 69% Frakka og 67% Austurríkismanna.

Frétt mbl.is: ESB stækki ekki næstu fimm árin

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 1 blogg um fréttina

Bloggað um fréttina

• Heimssýn: ESB kann sér ekki hóf