Lögreglan mun tapa trausti
Setja bókamerki
Njóti Hanna Birna Kristjánsdóttir innanríkisráðherra, áfram trausts Alþingis mun traust til lögreglunnar í landinu tapast. Þetta segir Jón Þór Óafsson, þingmaður Pírata. Flokkurinn hyggst lýsa yfir vantrausti á ráðherrann þegar þing kemur saman.
Jón Þór segir þær upplýsingar sem fram komi í bréfi umboðsmanns Alþingis, þar sem vitnað er til yfirheyrslu yfir Stefáni Eiríkssyni, fyrrverandi lögreglustjóra höfuðborgarsvæðisins, grafalvarlegar. „Ef ráðherra dómsmála kemst upp með þetta þá er ekki hægt að treysta lögreglurannsóknum í landinu. Þá hefur skapast fordæmi að yfirmaður lögreglumála komist upp með það að hafa áhrif á rannsóknir lögreglu,“ segir Jón Þór á vefsvæði sínu.
Hann segir greinilegt að innanríkisráðherra, yfirmaður lögreglumála, hafi ítrekað gagnrýnt rannsókn lögreglu á hennar eigin starfsfólki og hótað svo rannsókn á rannsókn. Gangi það eftir að hún njóti trausts muni mikið traust til lögreglu tapast.
Frétt mbl.is: Lýsa yfir vantrausti á Hönnu Birnu
Hafa „ágætis tíma“ til úrbóta
„Búið að vera í dreifingu í einhvern tíma“
Bjarkey stendur við skammarbréf Svandísar
Nauðgaði kærustu sinni og tók það upp
Færa slökkviliðið til nútímans
29 nautgripir fundust dauðir
Unnu að fullum heillindum að kaupum á TM
Sárt að horfa upp á illa meðferð fjármuna