Sýslumaðurinn á Húsavík er að ljúka vinnu við gerð áætlunar um rýmingu vegna hugsanlegs jökulhlaups í Skjálfandafljóti. Hálendið er enn lokað, sem og Jökulsárgljúfur.

Erlendur ferðamaður var í gær stöðvaður á lokuðum vegi sem liggur áleiðis inn á mesta hættusvæðið, við Öskju.

Vísindamannaráð almannavarna telur ekki ástæðu til að breyta mati sínu á ástandinu og hugsanlegum afleiðingum. Það leiðir til þess að viðbúnaði er viðhaldið og svæðin norðan Vatnajökuls og meðfram Jökulsá eru enn lokuð. Jafnframt hefur sýslumaðurinn á Húsavík unnið að rýmingaráætlun fyrir Skjálfandafljót, sem er næsta vatnasvið fyrir vestan Jökulsá, vegna hugsanlegs jökulhlaups. Svavar Pálsson sýslumaður segir að áætlunin verði kynnt á íbúafundi í Ljósvetningabúð annað kvöld og leitað eftir sjónarmiðum fólks.

Tengdar fréttir

Bárðarbunga

Gæti verið byrjunin á margra ára ferli

• Stærsti skjálftinn í Bárðarbungu í níu ár
• Kröftugur jarðskjálfti í Bárðarbungu
• Jarðskjálfti í Bárðarbungu
• Sá stærsti síðan í október

» Fleiri tengdar fréttir