Ingunnarskóli í Grafarholti í Reykjavík hefur ákveðið að seinka skóladeginum hjá unglingadeild skólans, þannig að nemendurnir fái lengri tíma til svefns.
„Við ákváðum að seinka skóladeginum hjá eldri krökkunum, þannig að þau byrji skóladaginn kl. 8.30 í stað 8.10. Yngri nemendurnir byrja 8.20. Þessi tillaga kom upp í skólaráðinu frá fulltrúa foreldra,“ segir Guðlaug Erla Gunnarsdóttir, skólastjóri Ingunnarskóla, um breytinguna.
Fulltrúi foreldranna var með rannsóknir sem sýndu að það hentaði unglingum betur að sofa aðeins lengur á morgnana, að því er fram kemur í umfjöllun um mál þetta í Morgunblaðinu í dag.