Aðalfundur DV hófst nú klukkan 15. Á fundinum sitja stjórn og hluthafar félagsins DV ehf. Meðal annars verður kosið í nýja stjórn félagsins á fundinum, en með nýrri stjórn er hægt að ráða nýjan framkvæmdastjóra félagsins og þar með nýjan ritstjóra. 

Mikil átök­ hafa verið um eign­araðild að fjöl­miðlin­um að und­an­förnu og leiddu meðal ann­ars til þess að Þor­steinn Guðna­son var sett­ur af sem stjórn­ar­formaður.

Reynir Traustason, núverandi ritstjóri DV segist vona að fjölmiðillinn verði settur í fyrsta sæti á fundinum. ,,Við viljum stefna að jafnvægi og viljum að það sé dreifð eignaraðild. Það er svo annarra að velja stríð eða frið. Við veljum frið umfram allt,'' segir Reynir, og bætir við að mikil samheldni sé hjá stjórninni um framtíð fjölmiðilsins.

„Ég er ekki að fara að reka fjölmiðil“

Björn Leifsson, eigandi World Class og nýr hluthafi DV segir sinn tilgang hjá félaginu skýran. ,,Ég er ekki að fara að reka fjölmiðil. Ég vill losna við Reyni Traustason og svo eru mín bréf til sölu,‘‘ segir hann í samtali við mbl.is. ,,Hvort það takist veit ég ekki,‘‘ bætir hann við. Björn segist ekki hafa fengið aðra hluthafa með sér í lið, ,,ég spila bara sóló.‘‘

 Slagurinn um eignarhald DV 

Tengdar fréttir

DV

Kolbrún og Hörður ritstjórar DV

• dBreytinga að vænta hjá Pressunni
• Eggert hættir sem ritstjóri DV
• DV braut persónuverndarlög
• DV sleppur við að greiða sekt

» Fleiri tengdar fréttir

• Blogga um frétt