Búist er við suðaustan stormi, 18-25 metrum á sekúndu á sunnudag með mjög snörpum vindhviðum við fjöll.
Ekkert ferðaveður er fyrir húsbíla eða bifreiðar með aftanívagna og fólk hvatt til að ganga frá lausum munum.
Veðurhorfur næsta sólarhringinn:
Austlæg og síðar suðaustlæg átt 3-10 metrar á sekúndu. Dálítil væta með köflum, en úrkomulítið fyrir norðan. Dregur úr úrkomu þegar líður á daginn og léttir heldur til norðaustanlands og á Vesturlandi. Vaxandi suðaustan átt suðvestantil á landinu þegar líður á kvöldið. Hiti 10 til 20 stig að deginum, hlýjast í innsveitum fyrir norðan.