Ekki er hægt að staðfesta að eldgos hafi orðið undir Vatnajökli en Magnús Tumi Guðmundsson jarðeðlisfræðingur telur það langlíklegustu skýringuna á sigdældunum suðaustur af Bárðarbungu, sem sáust fyrst í eftirlitsflugi TF-SIF, flugvélar Landhelgisgæslunnar, á miðvikudaginn.

„Það er mjög ósennilegt að sigdældirnar hafi myndast vegna jarðhita og sennilegra að þarna hafi kvikan náð að brjótast upp á yfirborðið og að um lítið gos hafi verið að ræða,“ segir Magnús, sem hyggur að gosið hafi átt sér stað á síðustu dögum.

„Sigkatlarnir höfðu ekki myndast á föstudaginn fyrir viku en þá var fólk á svæðinu að setja upp skjálftamæla.“ Í umfjöllun um mál þetta í Morgunblaðinu í dag telur Magnús mögulegt að gosið hafi orðið á laugardaginn og staðið stutt.

TF-SIF, flugvél Landhelgisgæslunnar flaug yfir skjálftasvæðið í gærmorgun og náðust stórkostlegar myndir af jöklinum. Ljósmynd/Landhelgisgæslan

Tengdar fréttir

Bárðarbunga

Gæti verið byrjunin á margra ára ferli

• Stærsti skjálftinn í Bárðarbungu í níu ár
• Kröftugur jarðskjálfti í Bárðarbungu
• Jarðskjálfti í Bárðarbungu
• Sá stærsti síðan í október

» Fleiri tengdar fréttir