Vara við hviðum undir Eyjafjöllum

Reiknað er með vindhviðum allt að 30-40 m/s undir Eyjafjöllum, á Kjalarnesi og undir Hafnarfjalli fram undir hádegi, en lægir síðan. Með hvassri SA-áttinni má einnig gera ráð fyrir vaxandi sandfoki á Mývatns- og Möðrudalsöræfum og eins við Dettifoss. Veðrið á að ganga niður upp úr kl. 18 til 19.

Almannavarnir hafa lokað leiðum á hálendinu norðausturlands, norðan Dyngjufjalla. Einnig nokkrum leiðum upp úr Bárðardal og við Grænavatn. Vegurinn vestan við Dettifoss er einnig lokaður. Hægt er að sjá þær hér.

• Blogga um frétt