„Við erum búin að átta okkur aðeins betur á þessu og það er komið réttara mat á því hversu mikið flæðir þarna upp, en að meðaltali renna fram um 200 til 300 rúmmetrar af hrauni á sekúndu.“

Þetta segir Magnús Tumi Guðmundsson jarðeðlisfræðingur í Morgunblaðinu í dag. „Þetta er verulegt sprungugos en ekkert stórgos þótt það sé margfalt stærra en það sem varð á sama stað tveimur dögum áður,“ segir Magnús Tumi og bætir við að gosið líkist mjög Kröflueldum enda er um hliðstætt hraungos að ræða, bæði hvað varðar stærð og ákafa.

Ármann Höskuldsson eldfjallafræðingur var í hópi þeirra vísindamanna sem fyrstir komu á gosstöðvarnar í gær. Hann lýsir eldgosinu sem glóandi dreka í náttúrunni. „Þetta er lifandi sprunga og það vellur mikið hraun upp úr allri sprungunni,“ segir Ármann. „Þegar við sáum sprunguna [í gærmorgun] var þetta eins og glóandi dreki í landinu. Þetta var mjög glæsilegt.“

Tengdar fréttir

Bárðarbunga

Jarðskjálfti í Bárðarbungu

• Sá stærsti síðan í október
• 4,4 stiga skjálfti í Bárðarbungu
• „Ekkert óvenjulegt á ferðinni“
• 111 skjálftar mælst í Bárðarbungu á árinu

» Fleiri tengdar fréttir