Vonir um frekari hækkanir á verði fyrir þorskafurðir

Útflutningsverð þorskafurða frá Íslandi hækkaði í heildina um 7% fyrstu sjö mánuði ársins.

Í fréttaskýringu um þetta efni í Morgunblaðinu í dag spáir Jón Þrándur Stefánsson, yfirmaður greininga hjá ráðgjafarfyrirtækinu Markó Partners, því að verð haldi áfram að hækka á næstu mánuðum.

Fregnir hafi borist frá Noregi um að kvóti í Barentshafi verði minni á næsta ári en í ár og í fyrra. Gangi það eftir verði minna framboð á mörkuðum og geti leitt til frekari hækkana á verði fyrir þorskafurðir.