Meirihluti Íslendinga er andvígur aðild að Evrópusambandinu samkvæmt niðurstöðum nýrrar skoðanakönnunar sem Capacent gerði fyrir samtökin Já Ísland sem hlynnt eru aðild að sambandinu. Spurt var í skoðanakönnuninni hvernig aðspurðir myndu greiða atkvæði ef kosið yrði um aðild að ESB. 54,7% sögðu að þau myndu hafna aðild en 45,3% að þeir myndu styðja hana. 

Greint var frá niðurstöðum skoðanakönnunarinnar á aðalfundi Já Ísland sem fram fór í dag. Samkvæmt henni er meirihluti kjósenda Framsóknarflokksins (92%) og Sjálfstæðisflokksins (83%) andvígur aðild að ESB en meirihluti kjósenda Samfylkingarinnar (89%), Bjartrar framtíðar (81%), Vinstrihreyfingarinnar - græns framboðs (55%) og Pírata (55%) hlynntir henni.

Skoðanakönnunin var gerð dagana 29. júlí – 10. ágúst 2014. Um var að ræða netkönnun meðal 1.500 manns á öllu landinu, 18 ára og eldri sem voru handvaldir úr Viðhorfahópi Capacent Gallup. Þátttökuhlutfall var 54,6%.

Tengdar fréttir

Ísland og ESB

Óttast einangrun og hóta neitunarvaldi

• Vilja endurupptöku á viðræðum um aðild að ESB
• Sekta ekki skip sem uppfylla ekki kröfur
• Hitnar í kolum vegna fiskveiði
• ESB gerir athugasemd við fetaost frá MS

» Fleiri tengdar fréttir

• 4 blogg um fréttina

Bloggað um fréttina

• Heimssýn: Stöðugur og góður meirihluti gegn aðild að ESB
• Samtök um rannsóknir á ESB ...: Þrátt fyrir barlóm og ósjálfstæði vinstri flokka er tryggur meirihluti …
• Jóhann Elíasson: FURÐULEGT AÐ ENGINN SKULI VERA ÓÁKVEÐINN???????
• Páll Vilhjálmsson: Svindlkönnun ESB-sinna