Samningar náðust á föstudag milli Icelandair og Félags flugumsjónarmanna sem boðað höfðu vinnustöðvun næstkomandi miðvikudag, hefði samkomulag ekki náðst fyrir þann tíma.
Aðeins 11 manns eru í félaginu, þar af 9 starfsmenn Icelandair sem lesa í ýmis kort og tölur og útbúa þannig flugáætlanir.
Launahækkanir þær sem flugumsjónarmenn fá eru á svipuðu róli og aðrir launamenn hafa fengið á síðustu misserum, að því er fram kemur í Morgunblaðinu í dag.