Fram kemur í nýrri úttekt Embættis landlæknis á lyflækningasviði Landspítalans að niðurskurður liðinna ára hafi tekið sinn toll af starfseminni og því sé brýnt að gera ýmsar úrbætur til að tryggja öryggi sjúklinga og gæði þjónustunnar.

Í úttektinni segir að áhyggjuefni sé að starfsfólk finni fyrir miklu álagi. Þá sé einnig umhugsunarvert hversu mikil rúmanýting er, en hún er 97% fyrir sviðið í heild og einatt yfir 100% á bráðalegudeildum, að því er fram kemur í Morgunblaðinu í dag.

Það er töluvert yfir æskilegri rúmanýtingu á þess háttar deildum og hefur mjög víða leitt til gangainnlagna, sem ógna gæðum þjónustu og geta einnig ógnað öryggi sjúklinga. Talið er ljóst að legurými á bráðalegudeildum séu of fá til að anna þeirri þjónustu sem sviðið veitir.

Tengdar fréttir

Niðurskurður á Landspítala

800 milljóna halli Landspítala

• Hætta á mistökum í miklu álagi
• Hugur forstjóra LSH hjá aðstandendum
• Bráðalausn á vanda bráðamóttöku ekki til
• Fjársvelt heilbrigðiskerfi pólitísk ákvörðun

» Fleiri tengdar fréttir