Sala á lambakjöti náði sér nokkuð á strik í ágúst, eftir sölusamdrátt í júlí.
Eins og oft áður má skýra söluþróun yfir sumarmánuðina með tilvísun til veðráttunnar. Vel viðraði fyrir útigrillara meginhluta mánaðarins.
Um 640 tonn af kindakjöti seldust í ágúst. Er það 3,5% meira en í sama mánuði árið áður og verulega meira en í júlí. Salan á síðustu tólf mánuðum er þó enn 2,4% undir því sem var á sama tímabili á síðasta ári, að því er fram kemur í Morgunblaðinu í dag.