Lögreglan á Akureyri mun fara fram á áframhaldandi gæsluvarðhald yfir manni sem grunaður er um að hafa haft tvo átta ára drengi á sínu valdi og brotið kynferðislega gegn þeim þann 13. ágúst sl. Lögreglan fer fram á að maðurinn verði áfram í haldi sl. þar til dómur gengur í máli hans.
Maðurinn var úrskurðaður í gæsluvarðhald til 19. september af Héraðsdómi Norðurlands eystra í síðasta mánuði.
Í úrskurði héraðsdóms segir að sterkur grunur sé uppi um að maðurinn hafi með hótun fengið drengina inn í íbúð sína þar sem hann hafi haft þá á sínu valdi um stund þann 13. ágúst. Annar pilturinn heldur því fram að maðurinn hafi beitt þá kynferðislegu ofbeldi. Hann staðhæfir einnig að drengirnir hafi ítrekað spurt manninn hvort þeir mættu fara heim en hann hafi sagt þeim að þegja. Að lokum hafi hann látið þá heita því að segja ekki frá því sem hefði gerst.
„Hótaði og hafði börn á sínu valdi“