Þriggja bifreiða árekstur varð á gatnamótum Miklubrautar og Háaleitisbrautar í Reykjavík upp úr klukkan hálf eitt í dag. Tvær sjúkrabifreiðar eru á staðnum og sú þriðja á leiðinni.
Samkvæmt upplýsingum frá slökkviliði höfuðborgarsvæðisins er ekki talið að meiðsl þeirra sem í bifreiðunum voru séu alvarleg en fólkið verði eftir sem áður flutt á sjúkrahús til skoðunar. Ekki liggja fyrir upplýsingar um tildrög slyssins.
Nokkrar tafir urðu á umferð en ekki alvarlegar.