Jökulvatn fossar inn í Þórisvatn sem er uppistöðulón fyrir margar stórvirkjanir á Þjórsár-Tungnaársvæðinu.
Yfirborð vatnsins er komið í 576,5 metra hæð og nálgast hratt meðaltalið sem er 577 m. Á sama tíma í fyrra stóð lónið í 574 metrum.
Í byrjun september taldi Landsvirkjun ekki líkur á að Þórisvatn myndi fyllast en yfirfall þess er við 579,5 metra hæð. Síðan hefur mikið runnið í vatnið.