Hæstiréttur hefur komist að þeirri niðurstöðu að Bjarni Frímann Karlsson, lektor við viðskiptafræðideild Háskóla Íslands, skuli víkja sæti sem meðdómari í Milestone-málinu. Héraðsdómur Reykjavíkur hafnaði kröfunni 10. september sl. 

Í málinu eru þrír endurskoðendur ákærðir fyrir meiri háttar brot gegn lögum um ársreikninga og lögum um endurskoðendur. Þeir mótmæltu því í héraði að Bjarni yrði tilkvaddur sem meðdómsmaður vegna vanhæfis. Þeir kváðu Bjarna m.a. hafa haldið fyrirlestra árið 2010 um framferði endurskoðenda í aðdraganda fjármálarkreppunnar haustið 2008. 

Fram kemur í dómi Hæstaréttar að með orðum sínum hafi Bjarni vikið orðum sínum óbeint að sakborningum.

„Þegar þau orð eru sett í samhengi við hvassa gagnrýni hans í fyrirlestrinum á störf endurskoðenda má skilja þau svo að í þeim felist áfellisdómur yfir störfum varnaraðila. Samkvæmt því hafa þeir réttmæta ástæðu til að draga óhlutdrægni hans í efa, sbr. g. lið 1. mgr. 6. gr. laga nr. 88/2008. Ber honum því að víkja sæti í málinu,“ segir í dómi Hæstaréttar. 

Tengdar fréttir

Rannsókn sérstaks saksóknara

Ríkinu gert að greiða 1,4 milljónir

• 25 hrunmál enn í gangi
• Sterling-málið á dagskrá eftir viku
• 19 hrunmál enn til skoðunar
• „Glaðir að 6 ára martröð sé lokið“

» Fleiri tengdar fréttir

Milestone-málið

Endurupptökubeiðni Karls hafnað

• Hafnaði endurupptökubeiðni Steingríms
• Milestone-málinu vísað frá Hæstarétti
• Greiða um 200 milljónir úr þrotabúi Milestone
• „Þessi kæra var ekki að detta í hús í gær“

» Fleiri tengdar fréttir

• Blogga um frétt