Jóhanna Gísladóttir GK landaði síðustu túnfiskunum á þessari vertíð í Grindavík sl. laugardag og fara síðustu fiskarnir með flugi til Japans í dag. Heildarafli skipsins varð 125 fiskar.
Íslendingar fengu 30 tonna túnfiskkvóta. Pétur H. Pálsson, framkvæmdastjóri Vísis, segir í Morgunblaðinu í dag, að 8 tonn hafi fengist sem meðafli við makrílveiðar og því hafi þurft að hætta veiðum á Jóhönnu þegar 22 tonnum var náð.