Undanþágan verði afnumin
Setja bókamerki
Ekki eru nema þrjú ár síðan flutt var þingsályktunartillaga á Alþingi um að afnema undanþágu mjólkuriðnaðarins frá samkeppnislögum. Þetta kom fram í máli Helga Hjörvars, þingmanns Samfylkingarinnar, á Alþingi í dag.
Sagði Helgi að fyrir vikið kæmi það á óvart að nokkrir þingmenn stjórnarflokkanna hefðu lýst yfir áhyggjum af samkeppni í mjólkurgeiranum. Umrædd þingsályktunartillaga hefði verið felld meðal annars með atkvæðum þingmanna Sjálfstæðisflokksins og Framsóknarflokksins.Einungis þingmenn Samfylkingarinnar hefðu stutt tillöguna.
Helgi rifjaði einnig upp að Sjálfstæðisflokkurinn og Framsóknarflokkurinn hefðu komið umræddri undanþágu á árið 2004. Þá hefði einnig Samfylkingin ein lagst gegn þeirri breytingu og varað við þeim afleiðingum sem hún gæti haft.
Boðaði hann endurflutning þingsályktunartillögunnar. Hvatti hann stjórnarþingmenn sem bæru hag neytenda fyrir brjósti til þess að taka þátt í tillöguflutningnum og sagðist reiðubúinn að gera breytingar á henni til þess að ná sem breiðastri samstöðu um hana. Þá léti hann sé það í léttu rúmi liggja hver væri fyrsti flutningsmaður tillögunnar.
Skemmtiferðaskip hætt komið nærri Viðey
„Á réttri leið en nokkuð í land ennþá“
„Skýr skilaboð til Seðlabankans“
Tóku upp hanskann fyrir leikskólabörn
Tveir í bílnum sem lenti utan vegar
Vona að Orkustofnun veiti ekki virkjunarleyfi
Handtekin eftir að tvö börn fundust látin
Vélsleðaslys: Þyrlan kölluð út á mesta forgangi