Ekki verður leitað að þýska ferðamanninum Christian Mathias Markus sem hefur verið leitað undanfarna daga við Látrabjarg vegna veðurs.
Um 50 manns frá björgunarsveitum Slysavarnafélagsins Landsbjargar leituðu Markus laugardag en ákveðið var að gera hlé á leitinni í gær þar sem hún hefur engan árangur borið.
Síðast sást til Markus yfirgefa hótelið í Breiðuvík í Vesturbyggð þann 18. september sl. Hann var einn á ferð, ók bílaleigubifreið af gerðinni Suzuki Grand Vitara. Sú bifreið fannst mannlaus á bifreiðastæðinu við Látrabjarg 23. september sl.
Ef einhver hefur orðið var við ferðir Markus þá óskar lögreglan á Vestfjörðum eftir þeim upplýsingum í síma 450-3730 eða í síma 112.
Ekki víst að Markus hafi farið í sjóinn