Núllið svokallaða, neðanjarðaralmenningssalerni í Bankastræti 0 í miðborg Reykjavíkur, gæti öðlast nýtt líf í nánustu framtíð.
Nokkuð er síðan bæði karla- og kvennasalernum var lokað og verða þau ekki opnuð aftur sem slík vegna þess að þau uppfylla ekki þær kröfur sem eru nú gerðar til almenningssalerna.
Í Morgunblaðinu í dag segir, að skrifstofa eigna- og atvinnuþróunar Reykjavíkurborgar kanni nú möguleika á framtíðarnýtingu Núllsins og er sýningarrými einn þeirra möguleika sem nefndir hafa verið.