Mál Landsvirkjunar gegn Þjóðskrá og Fljótsdalshéraði var tekið fyrir í Héraðsdómi Reykjavíkur í gær.
Forsaga þess er sú að innanríkisráðuneytið úrskurðaði árið 2012 að Þjóðskrá bæri að taka vatnsréttindi fyrirtækisins í sveitarfélaginu til fasteignamats.
Fljótsdalshérað vildi innheimta fasteignagjöld af réttindunum í kjölfarið en Landsvirkjun ákvað að skjóta deilunni til dómstóla. Það gæti orðið fordæmi fyrir önnur sveitarfélög á landinu, að því er fram kemur í Morgunblaðinu í dag.