Lögreglan á Egilsstöðum hefur haft í nógu að snúast í dag, en margir bílstjórar hafa lent í vandræðum vegna færðar.
Bílvelta varð á Fjarðarheiði fyrr í dag. Að sögn lögreglu voru engin slys á fólki, en bíllinn valt og er mikið skemmdur.
Auk þess hefur fjöldi bílstjóra lent út af vegi, eða átt í vandræðum vegna færðar. Samkvæmt veðurspá er veðrið á Austfjörðum að versna og því hvetur lögregla fólk til að fara ekki upp á heiðar eða fjöll nema á vel búnum bílum.
Það eru hálkublettir og skafrenningur á Sandskeiði en hálka og skafrenningur á Hellisheiði og eins víða á Suðurlandi, jafnvel krap eða snjóþekja í uppsveitum.
Hálka, skafrenningur og éljagangur er á fjallvegum á Vesturlandi, eins eru sumstaðar hálkublettir í Dölum. Það éljar á Vestfjörðum og sumstaðar er skafrenningur. Hrafnseyrarheiði er ófær og þæfingsfærð er á Dynjandisheiði. Annars er snjóþekja, krap eða nokkur hálka allvíða á Vestfjörðum og Ströndum.
Hálka, hálkublettir og skafrenningur er víða á Norðurlandi vestra sem og í Mývatnssveit en hálka, krapi og éljagangur er á Mývatns- og Möðrudalsöræfum.
Það snjóar á Austurlandi og víða er snjóþekja, krapi eða hálka, einkum á fjallvegum. Þæfingsfærð er á Breiðdalsheiði en Öxi er ófær. Þæfingsfærð og skafrenningur er á Vatnsskarði