Töf hefur orðið á uppbyggingaráformum Geogreenhouse ehf. sem hyggst hefja stórtæka tómatarækt í gróðurhúsi skammt frá Hellisheiðarvirkjun.
Sigurður Hrafn Kiernan, stjórnarformaður Geogreenhouse, segir að verkefnið hafi dregist á langinn og verið sé að leita að nýjum dreifingaraðilum erlendis áður en uppbyggingaráform geti hafist.
Geogreenhouse áformar að reisa gróðurhús við hlið Hellisheiðarvirkjunar. Í áætlunum er gert ráð fyrir því að eftir fyrsta áfanga megi framleiða 3.000-4.000 tonn af tómötum á ári. Það er um þrefalt meira en íslenskir bændur framleiða í dag. Stefnt er að því að öll framleiðslan verði flutt úr landi.