Einn var fluttur á slysadeild eftir árekstur tveggja bifreiða á mótum Háaleitisbrautar og Miklubrautar skömmu fyrir miðnætti í gær. Samkvæmt upplýsingum frá slökkviliði voru meiðsl mannsins lítilsháttar.
Að sögn lögreglu fjarlægði dráttarbifreið báðar bifreiðarnar af vettvangi.
Lögreglan á höfuðborgarsvæðinu fékk tilkynningu um innbrot í fyrirtæki í Árbænum á þriðja tímanum í nótt. Frekari upplýsingar liggja ekki fyrir að svo stöddu en málið er í rannsókn.