Almenningur virðist fylgjast vel með fréttum af verkfallsaðgerðum lækna og leitar ekki til spítalans nema að vel athuguðu máli í þessari viku. Starfsemi spítalans hefur gengið vel í dag þrátt fyrir verkfall lækna á lyflækningasviði spítalans. Þetta kemur fram í upplýsingum frá Landspítalanum.

Á lyflækningasviði starfa 188 læknar í mismunandi stöðugildum. Alls munu 28 læknar sinna bráðaþjónustu verkfallsdagana en 160 verða í verkfalli. Nokkrum tugum aðgerða hefur verið frestað á spítalanum í vikunni og þá hafa göngudeildir einnig verið lokaðar. 

Á miðnætti í kvöld lýkur verkfallsaðgerðum lækna í Læknafélagi Íslands í bili, en þær hefjast á ný á miðnætti aðfaranótt mánudags þegar læknar á aðgerða- og flæðisviði sjúkrahússins leggja niður störf.

Undir aðgerðasvið heyrir meðal annars gjörgæsla spítalans en bráðamóttakan heyrir aftur á móti undir flæðisvið. Því þarf varla að taka fram að verkfallsaðgerðir lækna munu hafa nokkur áhrif á starfssemi sjúkrahússins eftir helgi. Þá hafa skurðlæknar boðað verkfall í þrjá sólarhringja frá og með næsta þriðjudegi. 

Tengdar fréttir

Læknadeilan

Fjölgun bendir til heimkomu lækna

• Draga uppsagnirnar til baka
• Grunnlaun eru 62,7% af meðaltekjum
• Meirihlutinn hættur við uppsögn
• Tveir læknar hafa dregið uppsagnir til baka

» Fleiri tengdar fréttir

• Blogga um frétt