Nú mælist styrkur brennisteinsdíoxíðs (SO2) á Húsavík og nágrenni yfir 4800 míkrógrömm á rúmmetra og eru íbúar hvattir til að kynna sér viðbrögð við SO2-mengun á vefsíðunni www.loftgædi.is og á vefsíðu almannavarna um eldgosið, en þar má nálgast ýmsar hagnýtar upplýsingar um mengunina frá Holuhrauni.
Send hafa verið út viðvörunarskilaboð í farsíma á Húsavík og nágrenni.
Á vefsíðu Umhverfisstofnunar má nálgast upplýsingar um styrk SO2 bæði þar sem mælingar eru á sjálfvirkum mælistöðvum og þar sem mælt er með handmælum.
Í Reykjahlíð og víða á Suðvesturlandi mælist styrkur, sem er slæmur fyrir viðkvæma (700 - 1000 µg/m³ ) á sjálfvirkum mælistöðvum og þar sem handmælar mæla styrk er styrkur 800 µg/m³ í Skaftafelli, sem er slæmt fyrir viðkvæma og á Húsavík er styrkur óhollur eða 4800 µg/m³