Reiknað er með að rúmlega tvöfaldur íbúafjöldi landsins heimsæki Bláa lónið í ár. Útlit er fyrir að fjöldinn nái 700 þúsund gesta markinu, 50 þúsund fleiri en á síðasta ári.
Bláa lónið er að hefja framkvæmdir við stækkun lónsins og tvöföldun húsakosts, meðal annars með byggingu 60 herbergja lúxushótels við lónið.
150 starfsmenn verða við uppbygginguna á þessum tíma og varanlegum störfum fjölgar um 100 þegar starfsemi hefst, að því er fram kemur í Morgublaðinu í dag.