Útreikningar liggja fyrir

Búið er að opna fyrir niðurstöður skuldaleiðréttingarinnar á vefsíðunum rsk.is og leidretting.is. Þar geta þeir sem sóttu um höfuðstólsleiðréttingu verðtryggðra fasteignalána nú nálgast upplýsingar um stöðu sinna mála.

Eftirfarandi tilkynning birtist á vef Ríkisskattstjóra á miðnætti:

Öllum umsækjendum hefur verið sendur tölvupóstur þar sem gerð hefur verið grein fyrir því hvort að útreikningi sé lokið eða að umsækjandi sé í þeim hópi sem fær birtingu síðar.

Alls eru nú birtar niðurstöður fyrir 94.604 umsækjendur af ríflega 105 þúsund, eða nálægt 90%.

Hjá öðrum umsækjendum liggja niðurstöður ekki fyrir enn sem komið er. Ástæður þessa geta verið nokkrar, meðal annars flóknar breytingar á stöðu heimila umsækjenda, úrvinnslu á lánaupplýsingum er ekki lokið eða annað sem þarfnast nánari skoðunar.

Vænta má að niðurstaða vegna þeirra umsókna liggi fyrir fljótlega og mun ríkisskattstjóri tilkynna hlutaðeigandi með tölvupósti þar um.

Ríkisskattstjóri

• 3 blogg um fréttina

Bloggað um fréttina

• Rúnar Már Bragason: Það er fúlt að bíða en flækjustigið er stundum mikið
• Geir Ágústsson: Enn ein millifærsluaðgerðin
• Páll Vilhjálmsson: Ríkisstjórn þjóðarinnar