Vel sést til eldgossins í Holuhrauni á vefmyndavél Mílu núna en langt er síðan jafngott skyggni hefur verið á þessum slóðum.
Í dag má búast við gasmengun norður og austur af eldstöðinni í Holuhrauni, frá Skjálfandaflóa austur á Djúpavog.
Á morgun er útlit fyrir mengun til norðausturs af eldgosinu, frá Tjörnesi austur í Mjóafjörð.
Vindur er hægur báða dagana og eykur það líkur á hærri styrk gasmengunar.
Enn sem komið er þá er ekki mælanleg mengun á landinu en hægt er að fylgjast með mengunarmælum hér.