Ríkisstjórnin samþykkti á fundi sínum í gærmorgun lagafrumvarp um breytingar á almannavarnalögum.
Í Morgunblaðinu í dag segir að það sé gert í því skyni að mæla skýrar fyrir um skyldur ráðuneyta, stofnana og fyrirtækja sem sjá um rekstur mikilvægra samfélagslegra innviða, svo sem á sviði fjarskipta og raforku, ef til neyðarástands kemur.
Tilefnið er jarðhræringarnar í Bárðarbungu sem gætu leitt til hamfaraflóðs með áhrifum á grunnstoðir samfélagsins.