Mennta- og menningarmálaráðherra áformar ekki að leita heimildar Alþingis til að selja Rás 2, aðrar deildir eða einingar Ríkisútvarpsins eða Ríkisútvarpið í heild. Þetta kemur fram í svari Illuga Gunnarson, mennta- og menningarmálaráðherra við fyrirspurn varaþingmanns Vinstri grænna.
Björn Valur Gíslason, varaþingmaður Vinstri grænna, spurði Illuga út í mögulega sölu á Ríkisútvarpinu eða einingum innan stofnunarinnar.
Svar Illuga var einfalt: „Nei, enda er það alfarið á forræði og ábyrgð stjórnar Ríkisútvarpsins ohf. að taka slíka ákvörðun samkvæmt lögum.“