Vogunarsjóður bandaríska fjárfestisins Johns Paulsons hefur selt allar þær kröfur sem sjóðurinn átti á slitabú Glitnis.
Þetta má lesa út úr nýjustu kröfuskrá Glitnis sem Morgunblaðið hefur undir höndum.
Sjóðurinn Paulson Credit Opportunities Master var í hópi stærstu kröfuhafa búsins og átti kröfur fyrir um 53 milljarða að nafnvirði í apríl síðastliðnum. Voru það um 2,4% allra samþykktra krafna Glitnis. Miðað við núverandi gangverð má áætla að markaðsvirði krafnanna sé um 16 milljarðar.