Leit stendur nú yfir að Trausta Þórðarsyni í Norðlingaholti. Lögreglan lýstir fyrst eftir Trausta síðdegis í dag en hann er 84 ára og er búsettur í Hafnarfirði. Síðast er vitað um ferðir Trausta um kl. 11 í morgun en hann var þá staddur í Ármúla í Reykjavík.
Samkvæmt upplýsingum frá lögreglu eru björgunarsveitir nú við leit að manninum í Norðlingaholti í Reykjavík en sími Trausta kom inn á sendi við Krókavað í Reykjavík um hádegi í dag.
Trausti er á bifreiðinni UXF-34 sem er rauður Nissan Qashqai.
Lögregla óskar eftir að ef fólk hefur orðið vart við ferðir Trausta eða séð til bifreiðar hans hafi það samband við lögreglu í síma 444-1000.
Leitað að manni á níræðisaldri