Skólahaldi í grunnskóla Snæfellsbæjar norðan Fróðárheiðar hefur verið frestað til kl. 10 hið minnsta. Er það vegna rafmagnsleysis og óveðurs. Frekari upplýsingar verða birtar á heimasíðu skólans.
Skólahald í Húnavallaskóla fellur einnig niður í dag samkvæmt heimildum mbl.is.
Uppfært kl. 10.06
Allt skólahald í Lýsuhólsskóla fellur niður í dag vegna veðurs og ófærðar.
Skólaakstur milli Hellissands og Ólafsvíkur fellur niður af sömu ástæðum en skólahúsin opna á hvorum stað kl. 10 og verður unnið samkvæmt hefðbundnu skipulagi þegar ekki er um skólaakstur að ræða.