Það virðist ekkert lát ætla að verða á ofankomunni því talsvert snjóaði á höfuðborgarsvæðinu í nótt. Snjóruðningstæki á vegum Reykjavíkurborgar voru komin á fullt við mokstur um fjögur. Fólki er bent á að gefa sér góðan tíma til að komast leiðar sinnar en það er víða hált og þæfingur í húsagötum.

Að sögn verkstjóra í snjóruðningsdeild Reykjavíkurborgar eru allt í allt 25 tæki að störfum út um alla borg en fyrst eru stofnleiðir og tengigötur ruddar. Reynt er eftir fremsta megni að ryðja húsagötur sem á einhverjum stöðum eru orðnar illfærar.

Þar sem talsvert hefur snjóað þá er fólki bent á að moka að ruslafötum því sorphirða hefur gengið hægt undanfarna daga vegna færðar og veðurs. Eins er póstburðarfólk í önnum við að koma jólapóstinum í réttar hendur og mikilvægt að auðvelda þeim starfið.

Spáin er fín fyrir höfuðborgarsvæðið: Breytileg átt, 3-8 og él. Austan 3-8 um hádegi, en norðvestlægari seinnipartinn. Frost 1 til 5 stig.

Stofnbrautum er haldið vel ruddum svo strætó á að komast leiðar sinnar. Kristinn Ingvarsson

Bætt hefur í snjó á höfuðborgarsvæðinu Þórður Arnar Þórðarson

Tengdar fréttir

Óveður í desember 2014

Íslenskur snjóbylur vekur heimsathygli

• Töluvert um vatnsleka í borginni
• Hætta á að klakastykki falli úr Búlandshöfða
• Það verður víða allt á floti
• Hvessir með éljum og skafrenningi

» Fleiri tengdar fréttir

• Blogga um frétt