Þúsundir Íslendinga halda í jólasólina

Íslenskir „kanarífuglar“ eru eflaust margir hverjir byrjaðir að pakka niður sundfötum og sólarolíu á meðan skammdegi og blindbylur gerir landanum lífið leitt hér heima.

Vel hefur gengið að selja í jólaferðir til Kanaríeyja og seldust fyrstu ferðirnar upp á skömmum tíma. Bættu ferðaskrifstofur við aukaferðum til þess að mæta eftirspurninni. Örfá sæti eru eftir til eyjanna á vegum Heimsferða og Úrvals Útsýnar.

Afslöppun og samverustundir með fjölskyldunni virðast vera helstu ástæður fyrir vinsældum ferðanna, að þvíæ er fram kemur í umfjöllun um ferðir í jólasólina í Morgunblaðinu í dag.