Íslensk kona handtekin í Hollandi

Hollenska lögreglan handtók íslenska konu á fertugsaldri á Schiphol-flugvelli í Amsterdam sl. sunnudag. Konan var með 300 grömm af MDMA falin á sér. Þetta kemur fram í Fréttablaðinu.

Fram kemur að ekki hafi verið upplýst hvort konan hafi verið með efnin innvortis eða falin í farangri sínum. Fréttablaðið segir að upplýsingafulltrúi lögreglunnar í Amsterdam hafi staðfest að konan hafi verið handtekin og leidd fyrir dómara 17. desember sl. sem úrskurðaði hana í gæsluvarðhald.

Þá segir að konunni hafi verið útvegaður lögmaður og að borgaraþjónusta utanríkisráðuneytisins aðstoði konuna og ættingja hennar við málið. 

Fréttablaðið segir að konan eigi tvö börn sem hafi orðið eftir hér á landi. 

MDMA er virka efnið í e-töflum. 

• 1 blogg um fréttina

Bloggað um fréttina

• Brynjar Þórðarson: Amsterdam.