Lilja Leifsdóttir lét í gær af störfum á Morgunblaðinu eftir að hafa unnið þar í 48 ár og þrjá mánuði. Hún átti lengstan starfsaldur þeirra sem nú starfa á blaðinu.
Lilja hóf að vinna á Morgunblaðinu 17 ára gömul haustið 1966. Þá hafði hún unnið eitt sumar hjá Tryggingastofnun ríkisins og er það eina starfið sem hún hefur gegnt utan Morgunblaðsins, segir hún í samtali vegna starfslokanna í Morgunblaðinu í dag.
Á þessum árum átti fjölskylda Lilju hlut í Árvakri hf. Faðir hennar, Leifur heitinn Sveinsson, var í stjórn og Haraldur, föðurbróðir hennar, var stjórnarformaður og síðar framkvæmdastjóri.