Erlendir ferðamenn áttu í töluverðum erfiðleikum með að komast frá Egilsstöðum til Akureyrar í gær.
Þeir óku sem leið lá á bílaleigubíl en höfnuðu þrisvar sinnum utan vegar. Í eitt skipti fór bifreiðin á hliðina en ferðamennirnir sluppu ómeiddir.
Að sögn lögreglu á Egilsstöðum héldu ferðamennirnir ótrauðir áfram þrátt fyrir óhöppin en eftir það þriðja óku þeir afar hægt.
Góð dekk voru á bifreiðinni en ökumaðurinn ekki vanur akstri í hálku og snjó.