Jólabörnin eru orðin alls 17 um þessi jól en starfsfólk fæðingarvaktarinnar á Landspítalanum tók á móti fimm börnum á aðfangadag, fimm á jóladag og sjö börnum annan í jólum, áður en blaðið fór í prentun.
Það er því ekki útilokað að jólabörnin verði fleiri. Heilsast bæði mæðrum og börnum vel, enda jólalegt um að litast á spítalanum.
Hamrahlíðarkórinn fór milli deilda á Landspítalanum og söng fyrir fólk en það er ekki amalegt að koma í heiminn undir fögrum tónum kórsins.