Ölvaður erlendur ferðamaður var handtekinn í miðbæ Reykjavíkur um fjögur leytið í nótt. Maðurinn vissi ekki um dvalastað sinn hér á landi og var því vistaður í fangageymslu á meðan ástand hans lagast, samkvæmt upplýsingum frá lögreglunni á höfuðborgarsvæðinu.
Annar ölvaður erlendur ferðamaður var handtekinn við veitingahús í miðbænum um miðnætti. Maðurinn er grunaður um eignaspjöll, það er að hafa kastað glasi í bifreið og skemmt hana. Maðurinn er vistaður í fangageymslu þar til hægt verður að ræða við hann.