Nánast uppbókað á stærsta hótelinu

Allt stefnir í að Fosshótel Reykjavík verði þegar uppbókað þegar það verður opnað í júní.

Hótelið er í eigu Íslandshótela og verður stærsta hótel landsins. Þar verða 320 herbergi, þar af sjö svítur á 16. hæðinni, sem er sú efsta, að því er fram kemur í Morgunblaðinu í dag.

Ekkert lát er á ferðamannastraumnum til landsins og bókanir fyrir árið 2015 fara vel af stað hjá Íslandshótelum sem reka 14 hótel víða um land.