Íslendingar verða seint þekktir fyrir annað en að borða furðulegan mat í kringum þorrann. Nýjasta viðbótin í þorrabakkann eru súrsaðir lambatittlingar, og hafa þeir verið afar vinsælir síðustu tvö ár. Mbl.is fór á stúfana og kannaði hvað nemendum Háskólans í Reykjavík þætti um þessa nýjung.
Það vakti mikla athygli þegar tilkynnt var tittlingarnir yrðu til sölu á þorranum í fyrra, og seldust þeir upp á höfuðborgarsvæðinu. Að sögn Bjarka Sæþórssonar, aðstoðarverslunarstjóra Nettó í Mjódd, hafa þeir einnig rokið út í ár, og ljóst er að margir munu gæða sér á lambatittlingum á þorrablótum í ár.
Frétt mbl.is: Ég hef aldrei smakkað pung áður