Al-Thani í Hæstarétti í dag
Setja bókamerki
Al-Thani málið
- Sjeikinn Mohammed Al Thani keypti 5,01% hlut í Kaupþingi gegn fullri fjármögnun og 50% sjálfskuldarábyrgð.
- Lánað var í gegnum tvö félög, annað í eigu Ólafs Ólafssonar og hitt í eigu Al Thanis. Q Iceland Finance, félag sjeiksins, eignaðist hlutabréfin.
- Héraðsdómur dæmdi sakborninga fyrir umboðssvik og markaðsmisnotkun 12. desember 2013.
Munnlegur málflutningur fer fram í Al-Thani málinu í Hæstarétti í dag en rúmt ár er síðan dómur féll í héraðsdómi Reykjavíkur þar sem sakborningarnir fjórir, Hreiðar Már Sigurðsson, fyrrverandi forstjóri Kaupþings, Ólafur Ólafsson, fyrrverandi hluthafi, Magnús Guðmundsson, fyrrverandi forstjóri Kaupþings banka í Lúxemborg, og Sigurður Einarsson, fyrrverandi stjórnarformaður Kaupþings, hlutu allir fangelsisdóma á bilinu þrjú til fimm og hálft ár.
Mbl.is verður á staðnum og greinir frá framgangi málsins.
Voru þeir sakfelldir fyrir umboðssvik eða hlutdeild í umboðssvikum og fyrir markaðsmisnotkun, með þætti sínum í sölu á 5,01% hlut til Mohammeds Al Thanis, sjeiks frá Katar, rétt fyrir hrun. Eftir hrun var upplýst að Kaupþing hafði lánað Al Thani fyrir kaupunum.
Í dómi héraðsdóms var komist að þeirri niðurstöðu að Kaupþingi hefði verið skylt að tilkynna það til Kauphallar Íslands að Ólafur Ólafsson átti eitt af þeim fyrirtækjum sem komu að fjármögnun sölunnar til Al Thanis.
Al-Thani málið
- Sjeikinn Mohammed Al Thani keypti 5,01% hlut í Kaupþingi gegn fullri fjármögnun og 50% sjálfskuldarábyrgð.
- Lánað var í gegnum tvö félög, annað í eigu Ólafs Ólafssonar og hitt í eigu Al Thanis. Q Iceland Finance, félag sjeiksins, eignaðist hlutabréfin.
- Héraðsdómur dæmdi sakborninga fyrir umboðssvik og markaðsmisnotkun 12. desember 2013.
Eyjafjarðarbraut lokað vegna alvarlegs umferðarslyss
Banna mengandi búnað sem leyfður er á Íslandi
Gígbarmurinn hækkað frá því í gær
Sex hafa greinst með listeríu
Væri að ljúga ef ég segðist ekki stressaður
Tveir í bílnum sem lenti utan vegar