Þrennt var flutt á Heilbrigðisstofnun Suðurnesja eftir árekstur tveggja bifreiða í Grindavík um helgina.
Atvikið bar að með þeim hætti að bifreið var ekið yfir biðskyldu inn á Ægisgötu með þeim afleiðingum að hún rakst á aðra bifreið sem ekið var eftir Hafnargötu.
Ökumaður og tveir farþegar fyrrgreindu bifreiðarinnar voru fluttir til skoðunar hjá lækni, samkvæmt upplýsingum lögreglunnar á Suðurnesjum.