Umferðaróhapp varð á Reykjanesbraut við N1 Lækjargötu í Hafnarfirði um klukkan hálf fimm í dag. Samkvæmt dagbók lögreglunnar á höfuðborgarsvæðinu var bifreið ekið á umferðarmerki og ökumaður fluttur á slysadeild til aðhlynningar. Samkvæmt upplýsingum frá vakthafandi lækni á Landsspítalanum eru meiðsli ökumannsins minniháttar.
Í dagbók lögreglu segir einnig frá því að um klukkan hálf sex hafi ökumaður verið stöðvaður vegna gruns um akrstur undir áhrifum fíkniefna en honum var sleppt að lokinni blóðtöku.