Kostnaðarsöm mannfæð í íslenska stjórnkerfinu

Skortur á mannafla í íslenska stjórnkerfinu er ástæða þess að gerðir hafa ekki verið innleiddar á Íslandi í samræmi við EES-samninginn, að mati Gunnars Braga Sveinssonar utanríkisráðherra.

Fimm dómar féllu í EFTA-dómstólnum í gær þar sem Ísland var dæmt til að greiða málskostnað vegna þess að gerðir höfðu ekki verið innleiddar.

Í umfjöllun um mál þetta í Morgunblaðinu í dag segir Gunnar Bragi ljóst að styrkja þurfi ráðuneytin til að sinna þessum málum betur. Þá telur hann að verja þurfi meira fé til íslensku utanríkisþjónustunnar í Brussel. Eins segir hann mjög mikilvægt að opna aftur sendiskrifstofu Íslands í Strassborg.